طب والوقت قصدى دلوقتى يعنى ؟
اما
الان فأصبحت علوم التنميه البشريه محل اهتمام من كثير من الناس وسلطت
الصحافه والاعلام الاضواء على اعلام التنميه البشريه فى مصر وبدا صوتهم
يسمع ويرتبط بأذهان الناس ..
وفى ظل هذا التطور السريع (طلع ناس شَبٍيحه بشده على الباء)
يعنى ناس عايزه تكسب فلوس من الهوا .. يقدموا القليل ليحصلوا على المال
الكثير !! اصبحت فى مصر اماكن كثيره تقدم كورسات تنميه بشريه باسعار عاليه
وجوده منخفضه ..
ولحسن الحظ فان سوق العمل الان اصبح فى حاجه لمثل هذه الكورسات فى ظل المنافسه وغياب الحكومه ودورها فى تعيين الخريجين ..
ومع
الوقت اصبح الهم الاكبر لبعض الطلبه او الخريجين ان يملأ سيرته الذاتيه
بكورسات لا عد لها ولا حصر بدون ان يستفيد اى شئ فقط ( علشان ال CVيبقى تقيل لما اقدمه فى مكان مترفضش) وهذا الشخص تجده يحضر محاضره تنميه بشريه وهو نائم او سرحان (عبد البصير) !!
لا
ادعى ان كل الاماكن تقدم كورسات ذات جوده محدوده وانما ادعى ان الكثير
يفعل ذلك .. وادعى ايضا ان كثير ممكن حضروا كورسات تنميه بشريه قد استفادوا
وتعلموا المهاره التى حضروا من اجلها الكورس ودفعوا ثمنها سواء كانت هذه
الكورسات تتراوح بين محاضره عابره سمع عنها قدرا فى كليته الى كورس او
دبلومه فى مركز معتمد دوليا !!
طب انت كده حيرتنى يعنى اروح اخد الكورس اللى كنت بقولك عليه ابو 150 جنيه ده ولا اوفر فلوسى واطلع اسكندريه احسن ؟؟
طبعا
لو اتسألت هذا السؤال وانت واقف فى الشمس الاجابه هتختلف كتير .. انما على
كل حال لو مش عارف هتحضر ليه وايه اللى هتستفيده يبقى اطلع اسكندريه احسن
.. !!
طبيعه كورسات التنميه البشريه والهدف منها ..
كلمه
تنميه اصلا فى اللغه معناها ان شئ او شخص يتغير من حال اقل الى حال افضل
.. اما كلمه بشريه فهى تخصيص يجعل هذا الشئ القابل للتنميه هو عقلك –عزيزى
القارئ- اى ان هدف التنميه البشريه هو تنميه العقل (بتبسيط مخل بشده)
يبقى بمنتهى البساطه لو رحت حضرت كورس ومستفدتش منه يبقى انت كده حصلك تنميه ؟؟
معظم
ما يقدم الان على الساحه من كورسات هدفه ان يعلمك مهاره محدده .. مهاره
التحدث امام الجمهور .. مهاره تخطيط الوقت .. مهاره التعامل مع الناس ..
مهاره فهم الذات .. مهاره تنظيم المشاعر بذكاء .. وغيره ..
يقدم
هذه الكورسات –المفروض يعنى- شخص لديه المهاره التى يتحدث عنها .. فاذا ما
وجدت شخصا يتحدث عن مهارات العرض والالقاء فانت تفترض تلقائيا انه يملك
هذه المهاره وهو يقف امامك الان ليعلمك هذه المهاره ويأخذ ثمن تعليمه ..
طيب هل تعلمت هذه المهاره ؟ آه تعلمتها .. يبقى خير انت فعلا دفعت فلوسك فى
مهاره معنيه واتعلمتها .. طب لو لأ متعلمتهاش !! يبقى انت فلوسك رميتها فى
الهوا .. (قلتلك لو طلعت اسكندريه كان بقى احسن لك .. على الاقل كنت هتروح
ع البحر وتاكل فريسكا !!)
نصيحتى لك ..
حدد ما تريده فى الحياه .. عايز اشتغل فى الدعايه .. عايز صيدليه .. عايز اسافر ..
حدد المهارات المطلوبه التى هتساعدك علشان توصل لهدفك .. محتاج اتعلم مهارات البيع .. محتاج اتعلم OTC او محتاج اتعلم ازاى اشتغل بره مصر وطبيعه الشغل بره ..
اسأل على مكان يكون له سمعه كويسه ويكون بيقدم جوده
بغض النظر عن الشهره او الاسم او الفلوس .. انت بتدور على مهاره تتعلمها
مش على شهاده .. كده كده الشهاده ملهاش لازمه لو معرفتش تعبر عن مهارتك دى
فى مقابله شخصيه ..
احرص وانت فى الكورس انت تتعلم المهاره مش تعرف تفاصيل عنها
.. اعرف واحد كان بيدى محاضره وفضل طول المحاضره يتكلم عن اهميه المهاره
اللى هو بيعملها وازاى ممكن تفيد اللى هيتعلمها ويقارنها بمهارات تانيه وفى
الاخر مشى قبل ما يقول ازاى اكتسب المهاره دى !!!!
قيم نفسك فى نهايه الكورس
واعرف هل فعلا اكتسبت هذه المهاره ولا لأ وفكر ازاى تستغل المهاره اللى
انت اتعلمتها علشان تبقى انسان افضل سواء على المستوى المعنوى او المادى ..
بص هحكيلك عن تجربه حصلت معايا انا
شخصيا .. كنت اعرف واحد صاحبى واحنا فى الكليه ملوش فى موضوع الكورسات ده
بالمره .. وانا كنت بعمل دعايه للكورسات وحاولت اقنعه باهميتها وازاى انها
هتفيده بعد كده لغايه ما تعبت معاه وفى الاخر وافق علشان هو بيثق فيا بس مش
اكتر .. ولما طلع حس انه مستفدش حاجه وقعد يلومنى (طبيعى جدا لانه رايح
علشان ميستفيدش !!)
بعد
ما اتخرجنا واشتغلنا فوجئت بيه فى يوم بيتكلم عن الكورسات واهميتها وانه
لو اخد كورسات كذا وكذا وكذا هتعليه فى الشغل وهتزود مرتبه وهتخليه يترقى
بسرعه وغيره !! تخيلوا هو هو نفس الشخص ..
انا لاحظت الموضوع ده فى اكتر من زميل ليا ولا حظت الفرق قبل وبعد التخرج ..