منتديات همس المشاعر
عزيزي الزائر / عزيزتي الزائرة يرجي التكرم بتسجبل الدخول اذا كنت عضو معنا
او التسجيل ان لم تكن عضو وترغب في الانضمام الي اسرة المنتدي
سنتشرف بتسجيلك
شكرا
ادارة
المنتدي



 
الرئيسيةس .و .جبحـثالتسجيلدخول

شاطر | 
 

 صباح الفول يا مصر

اذهب الى الأسفل 
كاتب الموضوعرسالة
المدير العام

avatar

ذكر
البلد :
المزاج :
المهنه :
هوايه :
رسالهsms I WANT TO GIVE
عدد الرسائل : 2340
نقاط : 8864

مُساهمةموضوع: صباح الفول يا مصر    الثلاثاء 14 سبتمبر 2010 - 15:45

صباح الفول يا مصر !!

ما تفهمونيش غلط يا اخوانا يا بتوع الفول ... أنا مقدرش على زعلكم اليومين دول بالذات .. خلاص مالنا غيركم
منعوا عنا الفراخ وإحنا مش وش سمك ولا اللحمة بتيجيب معانا سكة دا غير الحاجات اللى فيها ... أنا أقصد من العنوان ده إن العلاقة بين الفول والمصريين علاقة طردية .. خاصة لما اكتشفنا إن مش الشعب لوحده اللي بيعشق الفول ده الحكومة المحروسة كمان طلعت بتاكل معانا من نفس الطبق .
[ندعوك للتسجيل في المنتدى أو التعريف بنفسك لمعاينة هذا الرابط]

ياعني غرقانين في الفول حكومة وشعبا ...
الدليل على كده إن حكومتنا دوناً عن كل الحكومات اللي خلقها ربنا بتتعامل معانا زى السباك اللي شغال باليومية أو الحلاق اللي شغال بالراس ، عشان كدة استحالة تلاقي عندها خطط لمواجهة الطوارئ أو سيناريوهات لمواجهة الأزمات ولو سألت أي وزير
وقلتله : عندكوا خطط طوارئ هيرد عليك ويقولك : مين أم طارق ؟.
وأثر الفول ظاهر في مفاصل الحكومة مع المصايب اللي نازلة تلف علينا ليل نهار ..


وحادث العبارة مش بعيد عننا " لما حصل اللي حصل الحكومة اتلبشت وبقت بتخبط في الحلل أ ُسر الضحايا ما استحملوش ولما حست الحكومة إن الموضوع فلت من إيديها نزلت ( القمل ) المركزي وهاتك يا ضرب في الناس الغلابة : البحر من أمامكم والحكومة من خلفكم والجدع منكم ينفد بجلده ،
وبدل ما الحكومة تقعد وتواجه المشكلة كبرت دماغها وراحت الإستاد تتفرج على الماتش
ولما انتصرنا وأخدنا الكأس الشعب هو كمان اتبنج من الفرحة والفول اشتغل ...
واحد يقولك : كابتن حسن شحاتة هيبدل مع كابتن نظيف وهيشكل الوزارة الجديدة
وواحد تاني يقولك : اللي حققناه ده أعظم من انتصار 6 أكتوبر

- وعلى رأي الشاعر : ( مصائب قوم عند قوم فوائد )

فلما بتوع الفراخ اتخرب بيتهم مش بس بتوع السمك والجزارين اللي لعبت معاهم وبس دا كمان الحكومة لعبت معاها وقعدت تدبح في الفراخ والحمد لله إن الناس ملهية في غرق العبارة ...
وطبعا يا ويله وسواد ليله اللي هيقف في الشارع مع فرخة .
وإيه يعني لما حوالي 2 مليون مصري ( اللي شغالين في الفراخ ) يتخرب بيتهم لازم نضحي بجزء من الشعب عشان جزء من الشعب يعيش .
وعشان أكون محايد ما ينفعش أنكر ان الفول اشتغل معانا إحنا كمان كشعب ..
أول امبارح وأنا داخل الشارع لقيت الناس عمالة تجري ..
- إيه يا عالم في إيه
- الحق نفد بجلدك ، فيه فرختين بيتمشوا على الرصيف
وبالبحث والتنقيب عرفت إن ( عم أحمد كتاكيت) بتاع الفراخ اللي جنبنا خاف يدبح الفراخ اللي عنده فأطلق سراحها .
وعلى فكرة عم أحمد ده ما يقدرش يعيش من غير طبق الفول بالطحينة كل يوم عشان كده مخه بقى طحينة ..
المشكلة في الفول انه هو اللى خلى الحكومة تسقط شبكة والشعب فاصل شحن .. وكمان مع العلم انى من عشاقه غلاسة
وصباح الفـول يامـصر

_________________
مدير منتديات همس المشاعر

يا قارئ خطي لا تبكي على موتي .. فاليوم أنا معك وغدا في التراب .. فإن عشت
فإني معك وإن مت فتبقى الذكرى .. ويا مارا على قبري لا تتعجب من أمري ..
بالأمس كنت معك وغدا أنت معي .. أموت ويبقى كل ما كتبه ذكرى . فيا ليت كل
من قرأ خطي دعا لي

 

 
[ندعوك للتسجيل في المنتدى أو التعريف بنفسك لمعاينة هذا الرابط]
الرجوع الى أعلى الصفحة اذهب الى الأسفل
 
صباح الفول يا مصر
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات همس المشاعر :: القسم العام :: منتدى الحوار العام-
انتقل الى: