الفاضى بعمل ايه

سيبك من المثل اللى بيقول الفاضى يعمل قاضى
حاول تعمل حاجة مفيدة حاجة اكيد هتسعك تحسسك انك عايش بجد
ومفيش مانع انك تستمتع بحياتكبس ياريت تستفيد
ممكن حتى لو قاعد على النت متخليش الوقت اللى بيفوت يعدى وتقول بيمر والسلام
الحياة فعلا جميلة بس المهم نعرف نعيشها ازاى
نحاول نحقق احلامنا اكيد مش كل اللى بنتمناه بنحققه بس طبعا مش هنقدر نحقق حاجة لو فضلنا كدا
ياريت نفكر بس شوية نعمل ايه فى حياتنا
اكيد لو انت شايف نفسك تعبان او مخنوق يبقى فى حاجة غلط

ما تفكر فيه ايه اعمل ايه
1-لو شايف انك بعيد عن ربناما تحاول تقرب دا ربنا غفور رحيم كل ما تقرب منه هيقرب منك
وعلشان تقرب تعمل ايه
ياريت تحافظ على الصلاة والصيام وكل الفرائض المطلوبة منك
كمان تعامل والديك معاملة حسنة دا مفيش اجمل من بر الوالدين لو عايز بجد تكون سعيد خليك بار بوالديك
كمان تعامل الناس كلها معاملة حسنة دا انت كدا تكسب كتير قوى حب الناس وحب نفسك والاهم حب الله
دا الرسول بيقول ان الابتسامة فى وجه اخيك المسلم صدقة فما بالك بقى لما تعامله معاملة حسنة

2- مش بس كدا
فيه ايه كمان
ممكن تقضى وقتك فى حاجة مفيدة
زى ايه
الرياضة لانها شئ جميل هيفيدك
ازاى
هتخلصك من الفراغ اللى انت عايش فيه
انت متعرفش ان العقل السليم فى الجسم السليم
اوعى تقول انها حرام لانها بتلهى عن ذكر الله
دا الرسول صلى الله عليه وسلم بيقول( علموا اولادكم الرماية والسباحة وركوب الخيل)
بس المهم يبقى كل حاجة ليها وقتها
واخيرا
ياريت كلنا بس نحاول نستفيد من بعض وانا بستنى اسمع منكم اللى يفيدنى
دا مفيش اجمل من النصيحة لو كانت من القلب
وربنا يكرمنا كلنا